Shirika lisilo la kiserikali Ariel Glaser Pediatric AIDS Healthcare Initiative (AGPAHI) linalojihusisha na mapambano dhidi ya Virusi Vya Ukimwi (VVU) na UKIMWI limemaliza warsha ya siku tatu kwa WAVIU Washauri 46 kutoka kwenye halmashauri nne za mkoa wa Geita.

WAVIU washauri ni watu wanaoishi na maambukizi ya VVU na wamejiweka wazi na huru kuwashauri watu wanaoishi na VVU katika nyanja mbalimbali ikiwemo ufuasi mzuri wa dawa, kutoa ushauri nasaha kwa wenzao, kujitolea kufuatilia na kufundisha wenzao kwa njia ya ushuhuda wa maisha sambamba na kuhamasisha WAVIU wenzao kujiunga katika vikundi ili kusaidiana na kupunguza unyanyapaa.

Mratibu wa Ukimwi mkoa wa Geita,Dk Joseph Odero akizungumza na WAVIU washauri wakati wa warsha ambapo aliwasisitiza kutumia vyema mafunzo hayo

 

Akizungumza katika warsha hiyo, Mratibu wa kudhibiti Ukimwi Mkoani Geita, Dr Joseph Odero aliwasisitiza WAVIU Washauri kutumia uchache wao kuleta chachu kwenye jamii ambazo wamekuwa wakishughulika kufanya kazi za ushauri kwa watu ambao wanaishi na maambukizi ya VVU.

“Mwaka 2017 kwa mkoa wa Geita asilimia kumi na nne (14%) ya watu walikua wanaishi na maambukizi ya VVU na themanini na mbili (82%) walikuwa ni wazima sasa tumeona kumbe kwa kutumia dawa mambo yanawezekana. Lakini pia tumeona wengine wameendelea kwenda kwa waganga wa jadi hawataki kukubali kwamba wanaishi na VVU hali hii nyie kama WAVIU washauri mnajukumu la kuhakikisha manawasaidia watu wenye hali hiyo”, alisema Dr. Odero.

Odero ameendelea kusisitiza uzoefu ambao wameupata kwa siku tatu kutumia vyema mafunzo hayo na yaonekane kuleta tija kwenye jamii ambazo wanatokea kwani kufanya hivyo watakuwa wamewasaidia watu ambao wanaishi na maambukizi ya VVU kujiona kuwa wanathamani kwenye jamii.

 

Serikali imewaagiza watumishi  wa sekta ya Afya katika mkoa wa Shinyanga na Geita,kutumia  vizuri fedha za miradi ya ukimwi zinazotolewa na wafadhili ili ziweze kuwafikia walengwa na kuacha tabia ya kujinufaisha wenyewe kupitia fedha hizo.

 Wito huo umetolewa leo na mganga mkuu wa mkoa wa Shinyanga Dr Rashid Mfaume kwa niaba ya makatibu tawala wa mkoa wa Shinyanga na Geita,wakati akifunga mafunzo ya siku mbili ya usimamizi wa fedha yaliyoandaliwa na shirika lisilo la kiserikali la AGPAHI.

 Dr Mfaume amesema kumekuwa na tabia ya badhi ya watumishi wa Afya kutumia fedha za miradi ya wafadhili kwa kujinufaisha wenyewe huku walengwa wakikosa huduma muhimu ambazo zimekusudiwa kuwafikia.

 Sambamba na hayo Dr Mfaume amewaagiza wakurugenzi wote wa halmashauri za mkoa wa Shinyanga na Geita kusimamia matumizi ya fedha za miradi ya ukimwi ikiwa ni pamoja na kuwachukulia hatua watumishi watakaotumia vibaya fedha hizo.

Shirika la lisilo la kiserikali  la  Ariel Glaser Pediatric Aids Healthcare Initiative (AGPAHI) linalojihusisha na mapambano dhidi ya Virusi Vya Ukimwi (VVU) na UKIMWI kwa kushirikiana na Halmashauri za wilaya ya Geita Vijijini, Geita Mji, Chato na Bukombe limewakutanisha  watu wanaoishi na virusi vya Ukimwi (WAVIU Washauri) kwa lengo la kuwajengea uwezo wa kutoa elimu  na kuwaunganisha wateja kutoka kwenye jamii kwenda kwenye vituo vya tiba na matunzo(CTC)

Warsha hiyo ambayo ilianza tarehe 29 January na inatarajia kumaliza tarehe 31 Januari 2018 inafanyika kwenye ukumbi wa hotel ya Alphendo, mjini Geita ikiwashirikisha washiriki 46 kutoka kwenye Halmashauri nne zilizopo Mkoani humo.

 Afisa Miradi Huduma Unganishi kwa jamii kutoka Shirika la AGPAHI, Richard Kambarangwe  akielezea umuhimu wa washiriki wa warsha hiyo kuunda vikundi ambavyo vitaweza kuwasaidia kuelimishana na pia  kufanya shughuli za ujasiliamali

Afisa Miradi Huduma Unganishi kwa jamii kutoka Shirika la AGPAHI, Richard Kambarangwe  akizungumza wakati  warsha hiyo amesisitiza kwa WAVIU  washauri kuunda vikundi kwenye CTC zao  vya watu ambao wanaishi na virusi vya Ukimwi  ambavyo vitawasaidia kujiendeleza kwenye shughuli za ujasiliamali pamoja na kushauriana katika matumizi ya dawa za kufubaza makali ya VVU.

Kambarangwe ameeleza kuwa,kumeendelea kuwepo na tatizo kubwa la unyanyapaa kwa watu wanaoishi na VVU hivyo kupitia warsha  hii wamekuwa wakifanya jitihada za kutoa elimu kwenye jamii kwa kupitia WAVIU washauri  ili kuondokana na dhana ya unyanyapaa.

Mmoja kati ya watu ambao wanaishi na VVU kwa muda wa miaka  15, Bw. Eliya Malaki ambaye alipima VVU mwaka 2000 na kugundulika kuwa na maambukizi   alisema "bado kuna watu katika jamii hawaamini kuwa wamepata maambukizi ya VVU matokeo yake wanakimbilia kwa waganga wa jadi na wengine wamekuwa wakijinyanyapaa wenyewe kwa kushindwa kufika kwenye vituo vya tiba na matuzo hili kupata ushauri na saa".

More on News

Get Connected