Shirika la Kitanzania lisilo la kiserikali la Ariel Glaser Pediatric Aids Healthcare Initiative (AGPAHI) linalojihusisha na mapambano dhidi ya Virusi vya UKIMWI na UKIMWI katika mikoa ya Shinyanga na Simiyu limekutana na wafamasia na waratibu wa shughuli za maabara katika halmashauri za wilaya za mikoa hiyo katika kikao cha sita cha robo cha mwaka.

Kikao hicho cha siku mbili kimefanyika katika ukumbi wa Karena Hotel uliopo mjini Shinyanga,ambapo tarehe 05 Mei,2016 shirika hilo limekutana na wafamasia na wataalam wa maabara kutoka mkoa wa Simiyu na Mei 06,2016 likakutana na wafamasia na wataalam wa maabara kutoka mkoa wa Shinyanga.

Akizungumza katika kikao hicho Mratibu wa Madawa na Mifumo ya Ugavi kutoka AGPAHI, Emilian Ng’wandu (pichani hapo juu) alisema lengo la kikao hicho cha sita cha kazi ni kupata taarifa kutoka katika halmashauri hizo kuhusu shughuli za usambazaji dawa na vifaa tiba katika vituo mbalimbali vya kutolea huduma, kubadilishana uzoefu pamoja na kujadili mafanikio na njia za kutatua changamoto zilizojitokeza wakati wa kutekeleza shughuli mbalimbali zihusuzo mfumo wa ugavi katika wilaya husika.



Hapa ni katika ukumbi wa Vigirgmark Hotel mjini Shinyanga ambapo siku ya Ijumaa,Aprili 15,2016 ,Shirika la Ariel Glaser Pediatric Aids HealthCare Initiave( AGPAHI) linalojihusisha na mapambano dhidi ya Maambukizi ya Virusi vya Ukimwi (VVU) na Ukimwi limekabidhi vifaa vya kuwezesha kutoa elimu zaidi kwa vijana juu ya afya ya uzazi na burudani.

Vifaa hivyo vilivyotolewa na shirika la AGPAHI kwa ufadhili wa Mfuko wa kusaidia watoto wa Uingereza (Children's Investment Fund Foundation UK-CIFF), ni kwa ajili ya klabu za vijana katika vituo vya tiba na matunzo kwa watu wanaoishi na VVU katika halmashauri ya wilaya ya Ushetu,Msalala,Manispaa ya Shinyanga na Kahama Mji.

Vifaa vilivyokabidhiwa katika klabu za vijana za wilaya tajwa hapo juu ni runinga (Tv), Deki (DVD Player), redio (Subwoofer systems), Flash Disc, Marker pens ,Flip charts,Rim papers,kalamu,penseli za kuchorea,vifaa vya michezo zikiwemo jezi ,viatu na mipira.

Mkurugenzi mtendaji wa shirika la Ariel Glaser Pediatric Aids Healthcare Initiative (AGPAHI) linalojihusisha na mapambano dhidi ya Virusi vya UKIMWI na UKIMWI katika mkoa wa Shinyanga,Simiyu na Geita, Dr. Sekela Mwakyusa akitoa mada kuhusu huduma zinazotolewa na shirika la AGPAHI katika mkoa wa Shinyanga. Mada hiyo ilitolewa wakati wa kikao cha kamati ya ushauri ya mkoa kilichofanyika katika ukumbi wa ofisi ya mkuu wa mkoa wa Shinyanga chenye lengo la kutoa ushauri utakaomsaidia mkuu wa mkoa kutoa miongozo ya maelekezo ya utekelezaji wa shughuli za serikali katika mkoa.


Kikao hicho kimefanyika wiki iliyopita na kuhudhuriwa na viongozi mbalimbali wa serikali, vyama vya siasa, taasisi za umma na binafsi, viongozi na watendaji wa mashirika likiwemo shirika la AGPAHI lililoalikwa kwa ajili ya kuelezea huduma zinazotolewa na shirika hilo hususani katika eneo la huduma za VVU na UKIMWI kwa watoto chini ya miaka mitano.

Viongozi mbalimbali wa mkoa wa Shinyanga akiwemo mkuu wa mkoa huo Mheshimiwa Anne Kilango Malecela walilipongeza shirika hilo kwa jitihada linazofanya katika mapambano dhidi ya VVU na UKIMWI.

More on News

Get Connected