Shirika la Kitanzania lisilo la kiserikali la Ariel Glaser Pediatric Aids Healthcare Initiative (AGPAHI) linalojihusisha na mapambano dhidi ya Virusi vya UKIMWI na UKIMWI limefanya bonanza la michezo kwa vijana kutoka halmashauri za wilaya mkoa wa Mwanza.

Bonanza hilo lililofadhiliwa na Watu wa Marekani kupitia Centres for Disease Control (CDC) limefanyika Ijumaa Aprili 27,2018 katika viwanja vya Lesa Garden Hotel Jijini Mwanza na kukutanisha vijana takribani 100 wenye umri kati ya 10 – 22 wanaotoka katika klabu za vijana zilizopo katika vituo vya tiba na matunzo (CTC). 
 
Akizungumza wakati wa kufungua bonanza hilo, Afisa Miradi Huduma Unganishi kwa Jamii AGPAHI mkoa wa Mwanza,Cecilia Yona alisema vijana hao wanatoka kwenye vikundi 15 vilivyopo kwenye wilaya saba za mkoa wa Mwanza isipokuwa Ukerewe tu.
 
“Vijana wametumia bonanza hili kufurahi,kufahamiana,kupata marafiki,kuonyesha vipaji na kujifunza mambo kadhaa ikiwemo kushiirikiana na kuendelea kuwa wafuasi wazuri wa huduma za afya hivyo kuboresha afya zao”,alieleza Cecilia.
 
“Naishukuru serikali ya Marekani kupitia AGPAHI kwa kuendelea kuwa karibu na vijana wanaopata huduma kwenye vituo vya tiba na matunzo kwenye halmashauri za wilaya ambazo zimekuwa zikifanya kazi bega kwa bega na shirika la AGPAHI katika kuboresha huduma za afya”,aliongeza.

 

Mratibu wa shughuli za afya za vijana kutoka Shirika la AGPAHI, Jane Kashumba, akizungumza kwenye mkutano wa kuimarisha utoaji huduma Rafiki kwa vijana, kuwa vijana ni kundi ambalo linapaswa kusaidiwa katika makuzi yake kuanzia ndani ya familia ,mashuleni na hata kwenye vituo vya kutolea huduma za kiafya ,kwa kupewa elimu ya afya ya uzazi na madhara ya kujiingiza kwenye mahusiano ya kimapenzi wakiwa na umri mdogo

Shirika lisilo la Kiserikali (AGPAHI) linalofanya shughuli zake hapa nchini za kuzuia maambukizi mapya ya Virusi Vya Ukimwi(VVU), na kuhudumia watu ambao walishaathirika na ugonjwa huo wakiwamo na watoto wadogo, limeendesha mkutano wa kuimarisha utoa huduma rafiki kwa vijana, kundi ambalo limekuwa likikabiliwa na changamoto katika makuzi.

Mkutano huo umeendeshwa kwa kushirikisha watoa huduma ya afya, wazazi, walimu, na maofisa maendeleo ya jamii, ambao wote hao wanatoka katika halmashauri Tano za mkoa wa Shinyanga ambazo ni Kishapu, Ushetu, Msalala, Kahama mji, pamoja na manispaa ya Shinyanga.

Akizungumza leo April 3,2018 kwenye mkutano huo mratibu wa shughuli za afya ya vijana kutoka Shirika hilo HILO Jane Kashumba, amesema kundi la vijana kwa asilimia kubwa limekuwa likikabiliwa na changamoto katika makuzi, hivyo wakaona ni vyema kukutana na wadau hao kujadiliana na kupanga mikakati namna ya kulisaidia ili lipate kuwa salama. 

“Lengo la kufanya mkutano huu na wadau hawa wa huduma za afya, wazazi, walimu na maofisa maendelo ya jamii, ni kuona namna tukakavyo wasaidia vijana katika utoaji huduma rafiki kwao, kuanzia majumbani, mashuleni, sehemu za huduma ya afya, pamoja na serikalini namna ya kuwatoa kwenye dimbwi tegemezi.”Amesema Kashumba. 

Ameongeza kuwa mtarajio ya mkutano huo ni kuona vijana wanaondokana na matatizo ambayo yamekuwa yakiwakabili kwenye ukuaji wao hasa rika balehe, ikiwamo kubakwa, mimba na ndoa za utotoni, magonjwa ya zinaa, maambukizi mapya ya virusi vya Ukimwi (VVU), pamoja na kupewa elimu ya kujitegemea na kuwezeshwa. 

Shirika la Ariel Glaser Pediatric AIDS Healthcare Initiative (AGPAHI) limekabidhi mashine tano za kuchunguza saratani ya shingo ya kizazi kwa wanawake ‘cryotherapy machines’ mkoa wa Mwanza.
 
 

Msaada huo umetolewa Jumanne Machi 27,2018 katika ukumbi wa mikutano wa Gold Crest Hotel jijini Mwanza wakati wa kikao cha wadau wanaohusika katika mapambano ya VVU na Ukimwi mkoani Mwanza kwa ajili ya kupanga mipango na mikakati ya kupambana na VVU na Ukimwi.
Akizungumza wakati wa kukabidhi mashine hizo, Mkurugenzi Mtendaji wa shirika la AGPAHI, Dk. Sekela Mwakyusa alisema mashine hizo ni kwa ajili ya vituo vya afya vya Katunguru na Kabila vilivyopo wilaya ya Sengerema, hospitali ya Ngudu iliyopo wilayani Kwimba na zahanati ya Kirumba na kituo cha afya cha Buzuruga vilivyopo wilayani Ilemela.
 
Dk. Sekela alisema mashine hizo tano zenye thamani ya shilingi milioni 6.8 zitatumika kutolea tiba mgando kwa akina mama wanaokutwa na dalili za mwanzo za kansa ya uzazi.
 “Mbali na shirika letu kuendelea kuboresha huduma za kinga na matunzo pia tunatoa huduma ya uchunguzi wa dalili saratani ya mlango wa kizazi kwa akina mama”,alieleza.
 
Alisema huduma hiyo hutolewa katika vituo vya kutolea huduma ya afya 20 katika mkoa wa Mwanza.
Dk. Sekela alisema shirika hilo mpaka sasa limetoa msaada wa ‘cryotherapy machines’ 17 katika mikoa sita ambayo ni Mwanza,Shinyanga,Tanga,Geita,Simiyu na Mara zote zikiwa na thamani ya jumla ya shilingi milioni 115.6.
 
Dk. Sekela pia alikabidhi kompyuta 18 zitakazotumika kuhifadhi takwimu za wateja wa CTC katika vituo vya afya husika na kusaidia upatikanaji wa taarifa kwa haraka na kwa usahihi Zaidi mkoani Mwanza.
 “Tangu tuanze mradi wa Boresha, tutakuwa tumetoa jumla ya kompyuta 82 kwa mkoa wa Mwanza ambazo zinatumika kutunza taarifa za watu wenye VVU na Ukimwi”,alisema.

More on News

Get Connected