Vijana wapatao 50 kutoka Mikoa ya Geita, Mwanza na Shinyanga, ambao walikuwa katika kambi ya malezi kwa vijana waishio na VVU/UKIMWI kwa muda wa siku tano katika Jiji la Mwanza wamelipongeza Shirika AGPAHI kwa jinsi linavyoweza kutumia ipasavyo fedha wazipatazo kutoka kwa wadau wa Maendeleo.

 

Wakizungumza wakati wa kuhitimisha kambi hiyo, vijana hao wamesema wao kama vijana wanafarijika sana na kambi ambazo zimekuwa zikiendeshwa na AGPAHI.

Akizungumza na mtandao huu mmoja wa vijana hao kutoka mkoani shinyanga ambaye jina lake tumelihifadhi kwa sababu za kimaadili amesema, wanafahamu yapo mashirika mengi yanayo hudumia watu wenye VVU lakini mashirika hayo yameshia kuwa mifukoni mwa watu na wengine kujinufaisha wenyewe.

Sisi tunawapongeza sana AGPAHI kwakuwa, wao wamekuwa wakituleta kutoka sehemu mbali mbali za nchi na tunapokutana tunajifunza mambo mengi ikiwapo maswala ya ushauri Nasaha, Michezo lakini pia tunapata fursa yakwenda kutembelea maeneo mbali mbali yenye historia ya nchi” alisema mmoja wa vijana hao.

Akihitimsha kambi hiyo ya siku tano, Kaimu Mganga Mkuu wa Mkoa wa Mwanza Dkt. Silas Wambura, amewataka vijana hao wakawe mabalozi wa vijana wengine ambao hawakupata fursa yakuhudhuria katika kambi hiyo. “Najua sio wote mlio hudhuria katika kambi hii lakini ninaamini kwa uwakilishi wenu ninyi mtakuwa Mabalozi wa kweli kwa wengine” alisema Silas na kuongeza wao kama Serikaliwataendelea kushirikiana na AGPAHI katika kuhakikisha bajeti inaongezeka ili kwa kipindi kingine vijana hao wawe wengi zaidi.

Mkurugenzi Mtendaji wa Shirika la AGPAHI, Dk. Sekela Mwakyusa akizungumza wakati wa mkutano wa waganga wakuu wa mikoa ambako shirika la AGPAHI linafanya kazi nchini Tanzania

“Shirika hili lilianzishwa mwaka 2011,kuanzia kipindi hicho tulikuwa tunafanya kazi zetu katika mikoa ya Shinyanga na Simiyu, lakini kuanzia Oktoba 2016 Mikoa ya Mara,Geita,Tanga na Mwanza iliongezeka (tukitekeleza miradi ya Ukimwi) na mkoa wa Manyara uliongezeka ambako tunatekeleza  mradi wa kifua kikuu”,alisema Dk. Mwakyusa. 
 
“Tumekuwa tukifanya kazi zetu kwa kushirikiana kwa ukaribu kabisa na serikali. Na wafadhili wetu wakuu ni Watu wa Marekani kupitia shirika la Centres for Disease Control and Preventation (CDC),mfuko wa kusaidia Watoto wenye VVU kwa hisani ya Watu wa Uingereza (CIFF) na Shirika la Development Aid From People to People (ADPP - Mozambique)”, aliongeza Dk. Mwakyusa. 
 
Aidha alisema mbali na mapambano dhidi ya VVU na Ukimwi pia shirika hilo linatekeleza mradi wa kifua kikuu migodini kwa lengo la kuongeza uelewa kuhusu kifua kikuu kwa wachimbaji, familia zao na jamii inayowazunguka ili waweze kuchukua hatua za haraka kujikinga na kupata tiba sahihi ya kifua kikuu. 
Mradi huu hivi sasa unatekelezwa katika machimbo ya Iyenze na Mwime halmashauri ya Mji wa Kahama, Kakola na Mwazimba halmashauri ya Msalala katika mkoa wa Shinyanga pamoja na Mererani wilaya ya Simanjiro mkoani Manyara ”,aliongeza Dk. Mwakyusa.

Shirika la Ariel Glaser Pediatric Aids Healthcare Initiative (AGPAHI) linalojihusisha na mapambano dhidi ya Virusi vya Ukimwi (VVU) na Ukimwi nchini Tanzania limeendesha Kampeni ya Upimaji wa Maambukizi ya Virusi Vya Ukimwi kwa watoto na vijana katika halmashauri ya Msalala na Manispaa ya Shinyanga katika mkoa wa Shinyanga.

 

Zoezi la kupima watoto na vijana limefanyika Juni 30,2017 na Julai 1,2017 katika zanahati ya Buluma iliyopo katika kijiji cha Buluma kata ya Jana katika halmashauri ya Msalala na zanahati ya kijiji cha Galamba katika kata ya Kolandoto katika manispaa ya Shinyanga. Zaidi ya watoto na vijana 760 walipata fursa ya kupima afya zao.

 

Charles Simon, Afisa Miradi Unganishi Kwa Jamii Mkoa Wa Shinyanga, akizungumza wakati wa zoezi hilo

Akizungumza wakati wa zoezi hilo la upimaji,Afisa Mradi, Huduma Unganishi kwa Jamii AGPAHI mkoa wa Shinyanga, Charles Simon, alisema kampeni ya Upimaji VVU kwa vijana na watoto yenye kauli mbiu ya “Ijue Afya ya Mwanao" inalenga kuwafikia vijana na watoto wengi zaidi ili kujua afya zao.

“Hili ni zoezi endelevu,AGPAHI kwa kushirikiana na serikali tumekuwa tukipima afya za watoto na vijana na pale inapobainika wamepata maambukizi ya VVU huwa tunawaanzishia huduma ya tiba na matunzo”,alieleza Simon.

“Kupitia kampeni hii tunashirikiana na viongozi wa serikali za mitaa, vijiji na tumekuwa tukiwahamasisha wazazi kuwaleta watoto na vijana ili wapimwe na zoezi hili limekuwa na manufaa makubwa kwani watoto wengi wameletwa na wazazi wao kupima afya zao”,aliongeza.

 

Mratibu wa Masuala ya Watoto AGPAHI mkoa wa Shinyanga,Dk. Jane Kashumba akizungumza wakati wa zoezi la kupima VVU kwa vijana na watoto katika kijiji cha Galamba.

 

Naye Mratibu wa Masuala ya Watoto AGPAHI mkoa wa Shinyanga,Dk. Jane Kashumba alisema wameamua kuanzisha kampeni hiyo ili kuwarahisishia wananchi kupata huduma ya kupima VVU kwa hiari katika maeneo ya karibu yao ili waweze kujua afya zao.

 “Tunaushukuru mfuko wa kusaidia Watoto wenye VVU Kwa hisani ya watu wa Uingereza (CIFF) kwa kuwezesha kampeni hii",alieleza Dk. Kashumba.

"Tumeanza zoezi hili katika halmashauri hizi mbili na tutaendelea na kampeni katika maeneo mengine kwani lengo la AGPAHI ni kuwafikia watoto na vijana zaidi”,aliongeza Dk. Kashumba.

 Kwa Upande wake Mratibu wa Wahudumu wa afya ngazi ya Jamii na Upimaji VVU wilaya ya Kahama, Peter Shimba alisema serikali itaendelea kushirikiana na shirika la AGPAHI katika mapambano dhidi ya VVU na Ukimwi.

Shirika la AGPAHI linatekeleza shughuli zake katika mikoa ya Shinyanga,Simiyu,Mwanza,Tanga,Geita na Mara kwa ufadhili wa Watu wa Marekani kupitia shirika la Centres for Disease Control and Preventation (CDC),mfuko wa kusaidia Watoto wenye VVU Kwa hisani ya watu wa Uingereza (CIFF) na Shirika la Development Aid From People to People (ADPP - Mozambique).

 

More on News

Get Connected